Ua faailoa mai i tua lipoti o le tele o vape o loo faatauina i fanau laiti e lei ausia le tausaga faatulafonoina, ma e fai lava si tele o pisinisi e lē o usitaia taiala.

Mo faleoloa ua faia faapitoa mo le na o le faatauina o vape, e toeitiiti tasi le faleoloa i totonu o le lima faleoloa na maua.

Ua fai mai ai ma le matagaluega a le soifua maloloina ua iai nei fuafuaga e faaopoopo le aufaigaluega ina ia mataitu ma faamalosia le usitaia o le tulafono, peitai e lē o aveesea ai le fesili pe faamata e foia ai le faafitauli.

O le finau a le Vape Free Kids New Zealand, ua tatau i le aufaitulafono ona faia se gaioiga vave.

Ae mai le minisita lagolago o le soifua maloloina, Casey Costello o loo naunau ia pasia le suiga o le tulafono o le a sii ai le faasalaga mo pisinisi e solia le tulafono i le tausaga nei, mai le $10,000 i le $100,000.

O tulafono o loo limataitaiina ai le faatau o vape o lea na amata aloaia mai le 2020, peitai mai lea taimi e oo mai i le tausaga nei, o lea e na o le tasi le faleoloa i Kalaiesetete ua faasala ona o le faatau atu o vape i fanau e i lalo o le 18 tausaga.

Puna o Faamatalaga: ‘Unacceptably high’ sales to underage vape buyers revealed (1news.co.nz)