E maualalo le tulaga o le malo ua foi mai ma le Ipsos, ma o se pa’ū tele lea talu ona amata faia su’esu’ega nei mai le 2017.
E 4.2 vae 10 lea ua foi mai i le faai’uga o le Ipsos New Zealand Survey ma ia faatulaga mai ai le malo, ma o lea na fesiligia ai le 1002 tagata Kiwi i itu e talitonu e matua’i tāua tele ia Niu Sila.
O le 4.2 o se pa’ū tele lea pe a faatusa i le 4.7 sa iai i le masina o Oketopa o le tausaga talu ai.
O le alu i luga o le tau o le soifuaga o loo numera tasi i le lisi, lona lua iai auaunaga faalesoifua mālōlōina ma le lona tolu o le tamaoaiga.
O loo sau ai foi i le su’esu’ega e sili atu ona lelei ona faatautaia e le pati a le National tau o le soifuaga, tamaoaiga faapea tulafono, ae o le Labour o le soifua mālōlōina ma tau o fale.
O le Ipsos o se su’esu’ega faia online ma e lē o iai foi ni ona sootaga ma nisi lava paaga e lagolagoina.
Puna o Faamatalaga: Ratings of government performance hit new low – Ipsos survey | RNZ News
