Ua faatonuina tagata e aumau i le Gold Coast ina ia faamamao ese mai se tasi o matāfaga i lea faaitu na maua iai se torpedo poo se a’upega e faaaogā e osofa’i ai vaamaulu, na maua i luga o lea matāfaga i le taeao  analeila.

Ua faasā e leoleo le nofoaga a o faia a latou su’esu’ega ae ua lipotia na maua e nisi o le ausavavali i le vaveao poo le lata i le 6 i le taeao.

Ua faailoa e le 7News ua faamaonia e le Bomb Squad e moni o le a’upega na maua o le torpedo ma o loo faatalia nei se isi lipoti lata mai i lea mataupu.

O manatu faaalia o nisi i luga o upega tafa’ilagi ua feta’ua’ina ai ma le iai o vaatau a Saina i gataifale o Ausetalia i le vaiaso nei.

Fai mai finagalo faaalia, e lelei ona siaki lelei pe lē o ni a’upega ia a lea atunuu mai ana faata’ita’iga ua ta’ua na faia e lata mai i Ausetalia.

O le taimi nei o loo tapunia uma auala ulufale i lea matāfaga a o faia su’esu’ega.

Puna o Faamatalaga: https://7news.com.au/sunrise/gold-coast-residents-told-to-stay-away-from-beach-after-torpedo-found-on-the-sand-c-17864103