Ua maua e le au kamuta o loo feagai ma le galuega toe faaleleia o le maota tuai o le palemene a Ausetalia se feau tusitusia i le taualuga o lea fale ma o latou sailia ai le tagata sa tusia lea feau i le taualuga o le fale.
O le faaiuga o le tausaga na tea nei, na amata ai lea galuega, o le toe faaleleia o mea na faaleagaina o le fale tuai a le palemene mai uiga louloua o le tau.
O lea feau ua faamauina o le tausaga e 1960 na tusia ai i le aso 14 o Iulai, tusia e le palama sa feagai ma le galuega i lea taimi e suafa ia Brian Charles Bourke.
O le sailiga a i latou na maua le feau, na iloa ai e lei leva atu nei ona maliu Brian, peitai ina ua logotala si ona aiga i le mataupu, na faamatala e si ona toalua na te manatua lelei le taimi ao faigaluega Brian i le maota tuai o o le palemene sa avea ai ma aperenitisi i le palama i le faatoa 19 ai o ona tausaga.
O lenei tusitusia na tusia e Brian o le a aofia i faamaumauga ma teuina i lea maota, ua faasaoina nei o se tasi o fale ua autausaga o iai i totonu o le atunuu ma oua avea ma se tasi o fale ua leva i le tala faasolopito i totonu o Ausetalia; ma faamauina ai foi le tautua a sia tama.
O le 2027 e faamanatu ai le 100 tausaga o le maota tuai lea o le palemene ae ua fuafua e faamaea galuega toe faaleleia o loo faia iai i le tausaga fou 2026.
Puna o Faamatalaga: https://www.abc.net.au/news/2025-01-28/old-parliament-house-roof-hidden-message-makers-mark/104862984
