O le tino maliu na maua i le Central Coast e talitonuina o le tamaitiiti 11 tausaga lea na tafea i le sami i le Aso Sa na te’a nei ma faia mai ai pea sa’iliga.
O le tamaitiiti o Laith Alaid e 11 tausaga le matua, na tafea i le sami a o iai i lea faaitu ma lona tamā ma isi ona uso laiti ma o le aoauli ananafi na maua ai le tino maliu.
E faafetaia e le aiga le fesoasoani a le komiuniti aemaise leoleo i le sa’iliga aemaise nai tagata na fesoasoani ane i le taimi na tupu ai le faalavelave na faasaoina mai ai isi tamaiti.
Fai mai lipoti sa taumafai le tamā ma lana fanau e kolosi le channel, o le isi vaega o le sami i lea faaitu ae tupu ai le faaletonu ma tafea ai si ona atalii.
Puna o Faamatalaga: https://www.9news.com.au/national/the-entrance-body-of-laith-alaid-found-after-swept-out-to-sea-on-sunday-police-say/dd7f4064-baa4-46f1-bab0-391218556dcc
