E silia ma le 500 kilokalama le mamafa o methamphetamine poo le ‘aisa o lea na maua o loo aumai faananā i totonu o pou u’amea.
O se tasi lea o uta tele o fualaau faasāina ua maua i tuaoi o Niu Sila, ma e faapea o lea na aumai i le vaa a lalo na sau mai Amerika i le masina talu ai.
Ua lipotia e faapea o lea na masalomia e le vaega o tiute ona e ese lava steel beams nei e 42 mai isi pou u’amea, ma o lea na fā’ata ai loa ma maua ai.
E su’e atu le igoa o le tagata o loo faasau ai pepa o le container u’amea e nofo i Waikato, ma o le Aso Faraile talu ai na osofa’i faamalosi ai loa e leoleo le fale ma maua ai alii e to’alima ma o lea ua molia uma.
Ta’ua mai ai foi e leoleo o le to’alua o lea to’alima o nisi na faimalaga mai Ausetalia e tatalaina pou u’amea nei.
Faatusaina e oo atu i le 25.7 miliona doses e mafai ona gaosia mai le uta ‘aisa ua toe maua nei, ma o loo faaauau pea su’esu’ega a leoleo faapea le vaega o tiute.
Puna o Faamatalaga: Police and Customs discover 515kg of meth inside steel beams in one of NZ’s largest drug busts – NZ Herald
