Ua maua e leoleo le nofoaga na tanu ai le tino o le tina Kalaiesetete ia Yanfei Bao.
O lea ua atoa le tausaga talu ona leiloa ma su’e Bao peitai o le aso ananafi lea faato’ā maua ai i se tasi o fanua faatoaga umia saoloto i Greenpark i Canterbury, ma o loo mafanafana leoleo o le tino lea o le tina na su’e.
O faamaoniga mai leoleo e lē loloto le eliina o le tuugamau, a faatusa iai pe ā ma le 150mm ma o le fanua lava foi lenei na iai muamua leoleo mo suesuega peitai e lei maua seia oo mai ai ina maua isi faamatalaga i vaiaso e lei mamao atu ma toe agai ai loa sui o le ofisa ananafi.
O loo iai pea leoleo i lea faatoaga i le asō ma faasolo atu a taeao, ma o le mataupu lenei ua molia ai Tingjun Cao, 53 tausaga, o ia o se tagatanuu Saina lea e valaau i luma o le faamasinoga mo iloiloga i le masina o Oketopa.
E lē o iai se isi tagata ese o sailia e leoleo e tusa ma le lēiloa o le tina ia Bao.
Puna o Faamatalaga: Yanfei Bao: Police find remains in search for missing Christchurch real estate agent – NZ Herald
