Lipotia i le asō ua maua se fesoasoani mo Winston Peters i lana taumafaiga e faalēaogāina le Auckland Transport. Ua faailoa e le ta’ita’i o le NZ First se pili ina ia tuuina ai i le Council le pulea o lea ofisa ma ua ta’ua i le taimi nei o loo iai i se tulaga tuto’atasi.
O le fesoasoani ma le lagolago mai le pulenuu o Aukilani, Wayne Brown lea ua ia faaalia i lea lipoti o soo se mea e faia ia toe faafoi ane ai le puleaina o mataupu tau fela’ua’iga a Aukilani i lima o tagata Aukilani, o se mea lelei lea.
Na faailoa foi e Peters i le faatalanoaga ma le Newstalk afai e sologa lelei le pili e lē taumate o le a faigofie foi i le Palemene.
Na ia ta’ua o le Auckland Transport na faatuina i le 2009 ma sa matua’i faaletonu ma faaauau pea ona aga’i iai faitioga i tausaga uma.
Puna o Faamatalaga: https://www.newstalkzb.co.nz/on-air/mike-hosking-breakfast/audio/winston-peters-acting-prime-minister-on-his-bid-to-establish-auckland-transport/
