E 63 kilo o le cannabis lea foi e iloa o le mariuana, na maua i se storage unit i le itu i Sasa’e o Aukilani.
Fai mai lipoti o afifi o lau o le laau faasāina ua mae’a ona faatagapepa na maua i le unit lea, na maua iai ma se alii e 25 tausaga lea ua pu’e e leoleo.
Ua lipotia pe ā ma le $1.2 miliona se tau e faatau ai lea uta.
Ua fuafua e tula’i i le faamasinoga i le asō lē na pu’eina ma ua molia i le umia o laau faasāina ma le faamoemoe e sapalai atu i nisi.
Fai mai leoleo o loo faatino nisi suesuega ma e ono iai nisi e pu’eina i le mataupu lava lenei ma ua faailoa e leoleo o le a faaauau pea ona o latou faalavelave ma faasala i latou e maua o faatino ia ituaiga soligatulafono.
Puna o Faamatalaga: https://www.1news.co.nz/2024/08/28/63kg-of-cannabis-found-in-east-auckland-storage-unit/
