Ua maua lelei i se tasi o suesuega sa faia i Ausetalia le anoano o le mau avetaavale i Ausetalia o loo tuuina o latou soifua i ni tulaga lamatia e ala i le faatino o nisi gaioiga ao faafoe le taavale, gaioiga e pei o le seleina o le soesa tulou, ma le faia o valivaliga i foliga, poo makeup ao ave le taavale.
Ua maua i suesuega e siia i le afa o avetaavale e toa 1000 na faia iai le suesuega, ua tautino e le o taulai tasi le vaai i le alatele i le taimi o loo ave ai le taavale. Pe a ma le 13 pasene o avetaavale ausetalia o loo fai pea text ao alu le taavale tusa lea ma le 2.75 miliona o avetaavale atoa ai ma leisi 1 mai le 10 o avetaavale e siaki a latou social media ao alu le taavale.
O isi mafuaaga ua taua i le suesuega e mafua ai ona le taulai le silasila a le avetaavale i le alatele , e aofia ai le matamataina o se ata poo se show i luga o upega tafailagi ao ave le taavale.
Puna o Faamatalaga: https://www.9news.com.au/national/distracted-aussie-drivers-shaving-texting-and-streaming-behind-the-wheel/a622f905-4ad1-441b-bcf4-0e73c24d9f43
