Ua tapunia mo le vaiaso atoa lenei le kolisi a Liston I Henderson I Aukilani I le maea maua ai o se tasi o case faamaonia

O le Aso Gafua o le vaiaso nei sa iai i le aoga le tamaititi aoga ua maua I le Koviti, ma e faapea na ia faalogoina auga o le fulu ao iai I le aoga

Ua tapunia ai nei ma le aoga ae toe faaauau aoga mai le fale seia oo atu I le Aso Gafua o le vaiaso fou

Ese mai I lea kolisi I sisifo o Aukilani, e lua isi kolisi I Aukilani lava o lea ua maua ai cases faamaonia I lenei vaiaso

O le Aso Sa na sau ai tala o le maua o se tasi o fanau aoga I Mt Albert Grammar School, ma o lea sa I le aoga i le vaiaso talu ai

O le Aso Gafua foi na faamaonia ai se tasi e faigaluega I le kolisi a Macleans I Bucklands Beach, ma o ia lea e le I iai sona fesootaiga ma fanau aoga

O vasega 11 i le 13 pau ia o vasega o loo faataga ona toe foi I aoga I Aukilani I le taimi nei, ma o lea na faatoa toe amata I le Aso Lua o le vaiaso talu ai

Ae mo aoga tulagalua, o le amataga o le vaiaso fou o le a toe faamautinoa mai ai e le malo pe ono taunuu le aso 15 o Novema lea na muai faailoa mai