O le faatofāla’iga a le Kapeneta i lana fonotaga masani i le aso ananafi, Aso Lulu, 21 Setema 2022, na faaiugafono ai se tasi o mataupu e tusa o le polokalame mo tagata o loo agai i atunuu i fafo mo galuega faavaitaimi, e pei o Niu Sila ma Ausetalia.
Ina ia mautinoa o loo lava pea tagata e iai i totonu o atunuu le faia le fatuaiga, ua faaiugafono ai e le Kapeneta le faatinoga o lenei polokalame e faapea:
* e na o le tasi lava le faigamalaga i le masina; tasi mo Niu Sila, tasi mo Ausetalia.
Ma ina ia faamautinoa foi o le a sosolo lelei le faatinoga o lenei polokalame mo i latou e filifilia mo nei avanoa faigaluega:
* ua iai nei se komiti faakapeneta ua galulue ma le Matagaluega o Leipa, e latou te mataituina ma fautuaina le faagasologa o nei tapenaga uma, ina mautinoa ua tutusa le avanoa mo tagata uma, ma ia faasoasoa lelei le avanoa mo tagata uma o Samoa ae le na o se vaega o tagata.
