E tolu vaatau a Saina o loo i gataifale i Matu o Ausetalia, o loo mata’itū nei e le vaega a le Puipuiga i le mae’a o se tulaga ua lipotia na faaola ai flares a se tasi o vaaleletau a Saina e latalata ane i se vaalele a Ausetalia i le South China Sea.

Fai mai lipoti sa fai faata’ita’iga a le Royal Australian Airforce i le South China Sea i le Aso Lua ae faalavelavea ane e le vaalele lea a Saina ma e le’i iai se isi na aafia pe faaleagaina foi se vaalele ae ua faailoa i se pepa o faamatalaga mai le vaega o le puipuiga Ausetalia, o se gaioiga lē saogalemu na faia e le vaaleletau lea a Saina ma e ave lava le faamuamua a le ADF i le soifua o lana aufaigaluega.

Faailoa i le pepa o faamatalaga e faaaloalogia e Ausetalia le aiātatau a atunuu uma i le faatinoina o feoa’iga ia ogatusa ma tulafono faavaomalo e pei foi la ona tatau i isi atunuu ona faaaloalogia aiātatau a Ausetalia.

Puna o Faamatalaga: https://www.9news.com.au/national/chinese-ships-sighted-in-australian-waters/462eaacd-9706-48fc-90aa-d6b84b6479a3