E sefulu pine auro ae tasi le pine siliva na manumalo ai le ausiisii uamea mamafa a Samoa sa tausinio talu ai nei i Melepone i Ausetalia i se taamilosaga a atunuu o le Oceania.
O le toe taliu mai o le ausiisii uamea mamafa a le atunuu na latou afea ai le pulega o le faletupe o le National Bank o le lagolago autu lea o le ausiisii a le atunuu i tausinioga faavaomalo.
O le faafetai e toe momoli i le faletupe na toe lafoia ai lea taaloga i se isi fesoasoani tupe a le National Bank of Samoa e 20 afe tala.
Le faiaoga ma le ta’ita’i malaga, afioga Tuaopepe Jerry Wallwork.
