O loo tausinio i Fiti ua faailoa e le pulega o lea taaloga i lana upega tafailagi, le manumalo o le tamaitai 15 tausaga o Seine Stowers i le pine auro i le vaega o le ausii a tamaitai i le mamafa e 76 kilokalama.
E tolu foi ni matati’a ua ia faatūina i le vaega o tamaitai i taaloga a tupulaga talavou a Malo o le Taupulega, tolu foi matati’a ua ia faatūina i taaloga a atunuu o le Oceania.
O le tasi o pine auro a Samoa i Fiti na maua e le alii o John Tafi i le sii e 73 kilokalama, ma ua ia faatūina foi se matati’a i taaloga siisii u’amea mamafa a Malo o le Taupulega faapea ma taaloga a atunuu o le Oceania.
O loo faagasolo pea ia taaloga i Fiti o loo tausinio ai le ausiisii u’amea mamafa a Samoa o loo lagolago autū iai le faletupe o le National Bank of Samoa.
