Ua i’u manuia sa’iliga a leoleo i le maua ai o le alii o Toese Nemaia Tuuaga, lea na faatonuina e le faamasinoga se tusi saisai e sa’ilia ai ona o le lē oo atu i lona faamasinoga.
Peita’i o se vaiaso e le’i mamao atu sa fia maua ai foi e leoleo i se su’esu’ega e mafua i se vevesi sa tula’i mai i le malaevaalele faavaomalo i Faleolo, lea o loo masalomia sa umia ai e lea tagata se laaumalosi poo se fana sa ia faapāpā.
O le po anapo poo le ‘afa o le valu na pu’eina ai e leoleo Toese, ma e faapea mai se molimau o se faletalimalo i Siusega sa maua o faamautū ai lea tagata.
E pei ona silafia o le vevesi i le malaevaalele i Faleolo o loo laumanu’ia ai le suafa o lē ua pu’eina ma taofia nei e leoleo, o se tasi lea o mafua’aga o le faai’uga a le pulega o malaevaalele e faia se galuega e su’e uma ai taavale e afea lea malaevaalele tele o le atunuu.
Peita’i ua taofia lea galuega ona o tulaga faaletulafono.
