Fai mai le taitai o le vaega faaupufai a le National, Judith Collins o tagata gasegase I le kanesa na aafia togafitiga ma ua le mafai ona faia togafitiga ona o le faaletonu na tulai mai I le falemai faaitumalo I Waikato, ua alaga tatau ona auina atu I Ausetalia mo togafitiga.
E le o toe po se lilo ile atunuu I le faaletonu na aafia ai le auaunaga a le Waikato District Health Board ma le cyber attack na aafia ai. Fai mai le televise tasi ole taimi nei o I latou sa faatulaga mo togafitiga ua auina atu I falemai private I Tauranga ma Ueligitone ae e le o lava foi le avanoa I ia falemai.
Ua faailoa foi I lea lava lipoti se finagalo faaalia o le faatonu o Auaunaga faale Komiuniti I le falemai faaitumalo I Waikato o Chris Lowry ua ia faailoa ai ole popolega o le le mafai lea ona faatautaia nisi o referrals poo I latou e faasee ane I la latou auaunaga.
Fai mai Collins e tatau ona faia gaioiga uma ina ia faamautinoa o loo togafitia gasegase, e aofia ai ma le auina atu o nisi o I latoou ia I Ausetalia e togafiti ai. Na ia ttaua foi ua sao le gaioiga a le malo e le totogia ni tupe Ia I latou sa faia le osofaiga lea i auaunaga faaonaponei aua semanu o le a faapea ai lava ona o latou osofaia isi foi pulega a falemai ma ofisa tutoatasi.
