Ua fuafua o le a faasāina le faaaogāina o private electronic monitoring poo faiga tau vaavaaiga e alu i le eletise i Niu Sa Uelese ina ia faamautinoa ai le saogalemu o le komiuniti i le mae’a o le faaletonu na alia’e mai i le masina na te’a nei i le toeitiiti 30 o tagata na tuua’ia i solitulafono na faafuase’i ona motusia sootaga i luga o upega tafa’ilagi e aunoa ma se lapata’iga.
O le tulaga o iai i le taimi nei o loo mafai ona talosaga tagata e aafia i mataupu faapea ina ia faaaogā private electronic monitoring mai le faamasinoga a le setete pe afai e totogi se vaegatupe, ae mafai foi ona oka e le faamasinoga ituaiga faiga ia o se vaega o aiaiga e tatala ai i tua pe a mana’omia.
E aofia ai i ia auaunaga le tuuina iai o ankle monitors ma e mafai ona tele tupe a tagata e faaalu ai.
O loo lipotia e le 9News o le kamupani a le Bailsafe Australia sa faatinoina le auaunaga lea na faaletonu.
Fai mai le malo o loo galulue nei e faatulaga nisi faiga e faamautinoa ai o loo lelei ona vaavaaia tagata e aafia i soligatulafono aemaise pe a tatala i tua.
Puna o Faamatalaga: https://www.google.com/amp/s/amp.9news.com.au/article/3668256b-b0ea-4bf8-8249-0ca8059182e1
