Ua mana’o le Minisita o le Va i Fafo a Niu Sila, Winston Peters e toe fetuutuuna’i le faiga faapaaga a Niu Sila ma le Atu Kuki.
O saunoaga nei a le Minisita ananafi i Ueligitone a o lauga ai i le Pacific Island Political Science Association ma o lona mana’oga ia faia i le tausaga nei.
E lē o toe po se lilo i le tulaga ua sainia ai nei e le Atu Kuki lana ia lava faiga faapaaga ua ta’ua o le Joint Action Plan for Comprehensive Strategic Partnership ma Saina, ma o se faiga faapaaga e lē o faigofie ia Niu Sila.
O le mana’oga o Peters i le toe fetuutuuna’i, ia faia lea i le taimi e faamanatu ai le 60 tausaga o le free association i le tausaga nei, poo le faiga lenei o loo faatautaia ai pea e le Atu Kuki lona malo ae umia pea le sitiseni Niu Sila, tupe Niu Sila ma agavaa i fesoasoani mai le malo o Niu Sila.
Afai ae taunuu le mana’oga o le Minisita, o lona uiga o le masina o Aokuso e faia ai, ma e lē o se mea e laitiiti.
Puna o Faamatalaga: ‘Reset’ needed with Cook Islands, Winston Peters says | RNZ News
