Ua faaauau pea ona tulaga lelei le taumafai a le tamaitai o Lydia Ko ina ua ia manumaloina foi le taamilosaga sa auai ai i le faai’uga o le vaiaso i St Andrews, le AIG Women’s Open.
O Lydia na maua le pine auro o tagapolo a tamaitai i le Paris Olympics ma faaulufale i le Hall of Fame o le taaloga i le lua vaiaso talu ai ae faaopoopo atu iai ma lona manumalo lea fai mai e $2.28 miliona le faailoga tupe.
Sa faatalanoa e le Newstalk ma ia ta’ua ai ua faapei o le tala ia Cinderella lona talaaga i ni nai vaiaso ua tuanai atu ua faigata ona talitonu o ni mea moni na tutupu.
Na faailoa foi le fiafia o le tamaitai taalo i le iai faatasi ma si ona aiga i le taamilosaga lea ma na te lē iloa poo afea o le a litaea ai ae sa manao e malo i se isi taamilosaga e lē faapea ma o lea la ua faatolu ona avea ma siamupini i taamilosaga tetele faapea ma o se tulaga ua faafiafiaina tele ai.
Puna o Faamatalaga: https://www.newstalkzb.co.nz/news/sport/women-s-open-lydia-ko-wins-third-major-title-with-emotional-victory-at-st-andrews/
