Ua maua e le alii taalo o Joey Manu le Golden Boots Award i le tufaga faailoga faavaomalo o le taaloga lakapi liki.

O le toaono ai lea o tama taaalo Kiwi ua faamanuiaina i lea faailoga talu ona amata mai i le 1984.

Tulaga maualuga le taumafai a Manu i le tulaga o le fulupeki i lenei taamilosaga aemaise o le tele o mita sa momoe ai e silia ma le 300 i ana taaloga uma sa taalo ai i le Ipu o le lalolagi. 

Saunoa le faiaoga o le ‘au a e Kiwis Michael McGUire e tulaga ese le taalo a Manu i lenei tausaga.

I le itupa o tamaitai o Raecene McGregor mai le Kiwi Ferns na manumalo i le Golden Boots a tamaitai.

E ese mai ia faailoga sa faamanuiaina foi o ia muamua i le Dally M Medal ma o le teine taalo aupito lelei mo le taamilosaga o le 2022.