O loo iai nei se tamaitai talavou i lalo o le vaaiga a leoleo i le falemai i le mae’a o le faalavelave ua maliu ai se alii talavou i se faalavelave tau taavale i le Pacific Highway i NSW.
O le tama talavou e 17 tausaga, o se pasese i le taavale o le station wagon lea na feto’ai ma se laau i le Central Coast poo le ‘afa o le 1 i le vaveao ma maliu ai lava.
E lei faamautuina mai le igoa ma isi faamaumauga ae o le tamaitai avetaavale lea e 19 tausaga, na agai ese mai le nofoaga na tupu ai le faalavelave ae na toe maua mulimuli ane, ave ai i le falemai i Gosford lea o loo iai i le taimi nei ma vaavaaia e leoleo.
E fautuaina avetaavale ia alofia lea faaitu ona o loo tapunia se vaega a o faia suesuega.
Puna o Faamatalaga: https://www.9news.com.au/national/teenager-dies-in-car-crash-on-nsw-central-coast/b89fb897-b50a-48f1-bd19-0eca96d0db62
