E na o le tasi le tausaga o se tamaititi ua lipotia mai foi ua uma lona ola ina ua lavea i le taavale o loo feta’uaina mai o le taavale a lona grandmother i fafo ane o se fale sa iai.
Fai mai lipoti a leoleo o le tamaititi tasi le tausaga lea mai Townsville sa i fafo i le footpath o le fale poo le ‘afa o le lima i le afiafi o le Aso Lua o le vaiaso nei lava ae tupu ai ma le faalavelave, faavave atu i le falema’i i Townsville University hospital peitai o lea ua faamaonia mai e se sooupu, ua uma lona ola.
O loo ta’ua foi i le lipoti e foliga na momo’e mai i fafo le tamaititi mai le fale lea ae o le a alu ese le taavale ma e lei iloa atu e le tina lea le tamaititi.
O loo faia su’esu’ega i lenei faalavelave ae o molimau a tuaoi o le aiga lea ua faailoa ai se tulaga faanoanoa ina ua vaaia si tamaititi ua lavea i le taavale lea o le ituaiga o le Toyota Prado.
