Na maliu se tamaitai talavou i le aso ananafi ina ua aafia pe na so’a sei tulou i se train i Matamata i Waikato

Pe tuso o le tea o le itula e tolu i le aoauli lea na tupu ai, ma e faapea o lē ua maliu e aoga i le Kolisi Maualuga o Matamata. Maitauina i ripoti e lata ane lava le aoga i le nofoaga na tupu ai lenei faalavelave. 

Ta’ua e leoleo, e ui i se taumafaiga a le aufaigaluega e laveai mai lona ola,peitai e lei manuia ma na maliu lava i lea nofoaga. 

I ripoti a le Herald o loo ta’ua mai ai o le train e fela’ua’i ai uta poo le freight train, ma i faamaoniga a le KiwiRail e le o se auala kolosi lea na tupu ai le faalavelave. 

O loo faasolo nei suesuega a leoleo faapea nisi o pulega I lenei mataupu. 

Puna o Faamatalaga: http://Young female pedestrian dies after being hit by a train in Matamata, Waikato – NZ Herald