Ua maliu le alii talavou mai faiga TikTok ma ua toe lapatai mai ai ona mātua i tagata e aua ne’i faataitai iai.
O Jacob Stevens o Ohio i Amerika e faapea o lea na ia faia se tasi o challenge i luga o le TikTok o loo fai mai ai i tagata e inu le oo atu i le 14 fualaau ua ta’ua o Benadryl, ma o le ova o le Benadryl ae ua le mafai ona tatali e le tino na toe tili ai i le falemai.
A o lei uma lona ola, e ono aso sa tau faamānava ai.
O le challenge lenei ua faitau tausagā talu ona salalau i luga o le TikTok.
E le o faigofie i lona aiga le vave momotu o le mafutaga ma ua toe faaleo ai finagalo, aemaise mātua ina ia aua ne’i toe iai se isi e faataitaia ma ma’umau ai soifua o fanau.
O le atalii e 13 tausaga ua maliu e faapea o lea sa ia faia le challenge a o iai i lona aiga i luma o ana uo.
