E toatasi le ua maliu ao faanofoesea I Aukilani
O le ua maliu o se tama 63 tausaga le matua faatoa taunuu mai I Niu Sila mai le Pasefika, ma na faanofoesea ma maliu ai lava I le faletalimalo a le Grand Millenium
Faamaonia mai e le sui pule sili o loo vaaia nofoaga o faanofoesea ai tagata faimalaga mai fafo, Andrew Milne, o le tama ua uma lona soifua e leai ni auga o le Koviti na iloa I lona siaki o le Koviti lata mai na faia
E le o mautinoa poo le a le umi talu ona faanofoesea lea tama ae le I maliu ananafi
Ua faia nei suesuega I lona tino maliu
O le po anapo na faailoa aloaia atu ai e le Matagaluega o pisinisi ma galuega ia I latou uma o loo nonofo I lea faletalimalo e ala I se tusi le maliu o lea tama
