E manatua e le toatele o tagata e silafia si ulugalii ua maliliu ile faaiuga o le vaiaso I se faalavelave I Kuiniselani, o ni tagata lelei. O le ulugalii na maua atu ua maliliu I totonu o le la fale na faatamaia I le afi.
O Joseph Stephan ma si ona toalua o Christine, 73 ma le 68 tausaga le matutua ua aafia I le faalavelave lea I lo la fale I Collingwood Park ile taeao ananafi ile pitonuu o Ipswich.
Fai mai lipoti o loo faatino nei le suesuega ile mataupu lea ma e leai seisi o sailia I le taimi nei e tusa ai o le faalavelave ao tau faamautu foi le mafuaaga o le afi.
O loo taua i nisi lipoti e foliga na valaau ane leoleo ile tuatusi lea I se taimi ae lei sasao ane le afi peitai e le o faamaonia ia lipoti I le taimi nei ao talia suesuega a leoleo o loo faia.
