E silia ma le 2,500 tagata e galulue i ambulance o lea ua mae’a palota e alu le tetee i se taimi o lenei masina.
O le aso 20 ma le aso 24 o Aokuso lea ua autasi ai sui o loo i lalo o le iuni a le FIRST Union faapea le NZAA, New Zealand Ambulance Association e savavali ese ai ma galuega fai.
O se faai’uga ua oo iai i le mae’a leai mai o St John i se siitaga o totogi atoa ai ma le leai o se faamaoniga mai le malo e siitia tupe o loo faatupe ai lenei auaunaga.
Ae i se tali mai a St John, e moomia lava tagata faigaluega mo Life Preserving Services i taimi o le tetee ma o se aso foi o i luma e feiloai ai ma sui o iuni e talanoa itu nei ina ia mautinoa e lē tuta’ia ai auaunaga mo gasegase tigaina.
O se mataupu ua faamautinoa mai ai e St John o le a faailoa mai lava i tagata lautele le i’uga o lea feiloa’iga, ma o se maliega o lea o le a feutaga’i ai iuni ma St John auā lona sainiga poo le life preserving services agreement.
Puna o Faamatalaga: Thousands of ambulance officers to strike as sector in ‘worst state’ ever seen | RNZ News
