E toeitiiti lava o tamaiti uma e ta’i 16 tausaga o loo faaauau pea ona faaaogā le social media e ui ua leva ona faatulafonoina e lē mafai e se tamaitiiti i lalo o le 16 tausaga ona toe faaaogāina le social media.
O faamatalaga ia e mai le lipoti a le eSafety Commission ua iloa ai e 80 pasene o tamaiti na faia iai le su’esu’ega, o tamaiti mai le 8-12 tausaga le matutua ma le 95 pasene o tamaiti e 13-15 tausaga le matutua o loo mafai pea ona o latou faaaogā social media e pei o le facebook, instagram ma isi.
O nisi o i latou ia e faaaogā ane upega tafa’ilagl ma accounts a o latou mātua.
Ua maitauina ai la e le eSafety Commission e lē o lava tulafono ma aiaiga sa faatulaga e faasā ai ona toe faaaogā e i latou ia tulaga o le soifuaga.
O le fautuaga mai le komisi, e iai le galuega a mātua, tausitama, faia’oga, ma i latou e faia faiga faavae e ao ona faatino foi le latou galuega i le faamamaluina o tulafono i le sā ona faaaogā e le tamaitiiti i lalo ifo o le 16 tausaga o le social media.
Puna o Faamatalaga: https://www.google.com/amp/s/amp.9news.com.au/article/69a77e69-3822-48a4-b377-96381ffa53aa
