Ua mafaufau le PSA e ave i le tulafono isi vāea ina ua manuia lana finau faasaga i le matagaluega o aoga.
E silia ma le 700 avanoa faigaluega vāea a le matagaluega o aoga o lea na ave e le PSA poo le Public Service Association i le tulafono ma ua sau le tali a le Employment Relations Authority, e solitulafono le faiga o le vāea a le matagaluega o aoga.
O se i’uga ua fai mai ai le PSA, ua o se avanoa lelei lea ma o se feau foi mo isi uma matagaluega a le malo o loo faatalanoa vāea pe faamata e faatulafonoina.
Ua fai mai ai foi ma le PSA o lea ua vaavaai ai e iloilo isi vāea ma a o lei oo la i le tulafono e ono muamua feiloai ma pule sili pe faamata o savalia maliega na osia ma tagata faigaluega.
O lea ua taofia nei le vāea a le matagaluega o aoga, a o tālia feutana’iga i le va o le PSA ma le matagaluega, ma e 28 aso o le piliota o loo tatala nei i le matagaluega e na te apiliina ai le faai’uga.
Puna o Faamatalaga: PSA considering more legal action over Govt job cuts after win (1news.co.nz)
