Ua manatua se tasi o tamā, o se atalii poo se uso foi na maliu ina ua lavea i se taavale i Kuiniselani i le vaiaso nei, o se tagata agaalofa ma se uo lelei.
O Colin Watson sa savavali ane ma se tasi o ana uo i le vaveao ananafi i le auala i First Ave i Kuiniselani ae so’a ai e se taavale o le mercedes lanu uliuli.
Na maliu ai lava Colin i lea nofoaga, e lē mamao ese ma lo latou fale, ae sola ese le avetaavale na lavea ai.
O le faamatalaga a si ona aiga ua ta’ua ai na alu Colin e faatau se susu mai le faleoloa ona sa mana’o i se kofe ma si ana uo na o la savavali faatasi.
Faamatala e nai ona aiga o se tagata loto alofa ma e fesoasoani i soo se tasi.
Ua pu’e e leoleo se alii e 30 tausaga i le mataupu lenei ma o loo faaauau pea le su’esu’ega ae o le auala na lavea ai Colin e lata i Logan Rd lea o loo tapunia a o faaauau galuega a leoleo.
O lē ua maliu e 36 tausaga le matua.
Puna o Faamatalaga: https://www.9news.com.au/national/kingaroy-hit-run-man-killed-on-morning-walk-police-hunt-down-car/6a822d76-79c2-4846-882e-eb6637deea9b
