O lē ua tuua’ia i le fasiotia o se sui o le kegi a le Rebels MC i Mt Wellington i le masina talu ai, ua faamaonia o le alii 23 tausaga o Sione Tupou.
O le asō ua aveese ai le poloaiga a le faamasinoga sa faasā ai ona faailoa lona igoa ma ua ta’ua ai foi ma le isi o loo molia foi i lenei mataupu, o Mailo Soakimi.
Ua ta’ua i le Newstalk o loo teena uma e i laua ia o la moliaga e pei ona faamauina e le la loia o Annabel Ives.
O lē ua maliu o Texas Jack Doctor e 22 tausaga, e feta’ua’ina na fana a o saofai i totonu o se taavale i Penrose Rd i le aso 13 o le masina na te’a nei.
Ua ta’ua i nisi faamatalaga i lea lipoti e manatu leoleo o lea mataupu e lē o silasila iai o se mataupu tau kegi.
Puna o Faamatalaga: https://www.newstalkzb.co.nz/news/crime/name-suppression-lapses-for-sione-tupou-accused-of-murdering-texas-doctor-in-auckland/
