Ua lua aso o lenei masina fou o Oketopa ma o le lua foi lea o aso talu ona amata faamamalu tau fou o oloa o le suauu ma penisini i Samoa, ma ua molimauina se siitaga e 23 sene mo le penisini, 39 sene le siitaga mo le suauu kiso, ae 41 tesimale 2 sene mo le tau o le kalasini.

O tau fou ua iai penisini 3.43 sene ae sa 3.20 sene i le lita i le masina o Setema.

O le suauu kiso o lona tau fou e 3.68 sene i le lita faatusa i le tau sa iai muamua e 3.29 sene i le lita.

O le kalasini sa 2.88 sene i le lita ae ua sii i le 3.29 sene i le lita.

O le manaomia tele o le kalasini ma le kiso e kamupani vaalelele o le mafuaaga lea o le sii o le tau o ia oloa tau suauu e faapena foi i le penisini ua lē mafai e OPEC ona pulea le tau o suauu lē faamamāina.

O le faamatalaga lea mai le Matagaluega o Tupe a le Malo o loo feagai ma le mataituina o tau o oloa tau suauu i masina taitasi.