O le faaaogāina o a’upega fana mamao e Ukraine i Lusia o le a oo ai i se tulaga lē talafeagai se tali latou te mauaina.
O le faamatalaga lea ua lipotia mai i le asō i le BBC ua faailoa ai e Lusia o le faia o lea ituaiga gaioiga ua faamaonia ai le aofia o Amerika ma ana satelite i le taua faasaga mai ia Lusia.
O le vaiaso nei na ioeina ai e le Peresetene o Joe Biden le mafai loa ona faaaogā e Ukraine o auupega ia faasaga ia Lusia ma ua lipotia e lē mailoa pe sa fesoota’i ma Trump i le faai’uga ua faia auā o lea sa polomisi Trump e na te faamutaina le taua lea.
O ananafi na saunoa ai le ta’ita’i o Lusia o Putin o loo faaopoopo lava e Amerika le suāuu i le afi.
O se tasi folafolaga a Trump sa faia pe afai e malo i le palota o le a ia faauma loa le auai o Amerika i taua faavaomalo ae faaaogā tupe a le autotogi lafoga e faaleleia ai le soifuaga o tagata Amerika.
Puna o Faamatalaga: https://www.bbc.com/news/articles/crr91nn9n79o
