Ua toe tolu aso toe foi ane le alii o Donald Trump e avea ma Peresetene o Amerika ae ua lipotia mai le sauni o Lusia ma Iran e sainia se maliega faapaaga fai mai ua loa masina o tau tuufaatasia.

Fai mai le CNN o se gaioiga lenei ua toe faataula’i ai le vaai i se faiga faapaaga e faatonutonu ai le tulaga o loo tula’i mai i le taua i Ukraine.

Ua taua i le lipoti o Lusia ma Iran e eseese tulaga na iai o la sootaga mai le tele o tausaga ua tuana’i, e iai vevesi peitai e foliga o le taua lea i Ukraine ua aumai faatasi ai Moscow ma Tehran.

Ua faailoa foi i le lipoti nisi faamatalaga salatua ua faailoa ai se finagalo o Amerika e foliga o loo kiliva atu mai Iran nisi o a’upega o missiles mo Lusia e ui e lē o iai se faamaoniga o ia faamatalaga ae ua ta’ua o le ata lea e tatau ona silafia e Ukraine o lona uiga o loo iai le fuafuaga a Lusia e atili faamalosia osofa’iga faasaga ia i latou.

Na ta’ua e se tasi e tele lona silafia i le sootaga lea o Lusia ma Iran ma sa galue foi i le auaunaga tau faasalalau mo Lusia, Nikita Smagin, ua saini e Iran le maliega lea ma Lusia ona o le fefefe i le pulega a Trump, fefefe ia Isaraelu ma le faato’ilaloina o le faigamalo a Assad faapea foi le Hezbollah lea la o loo tau sa’ilia ai ni ona lagolago.

Puna o Faamatalaga: https://edition.cnn.com/2025/01/16/europe/russia-iran-treaty-ukraine-trump-intl/index.html