E sauni fanau a le atunuu i le vaiaso ua mavae atu nei e tapena a latou matua ma tauloto faapea pese faaleagaga mo le faamanatuina o lo latou Aso Sa, ae tula’i mai se faalavelave na fano ai le ola o se tamaitiiti 4 tausaga le matua.
Ua faailoa e leoleo i se lipoti o lea tamaitiiti na malemo i se vaega o le vaitafe e lata i le afu i le nuu o Falefa.
E lua aso o faia sa’iliga a tagata o le nuu ma leoleo, ae o le taeao o le Aso Faraile na te’a nei na maua ai le tino maliu o le tamaitiiti.
O loo faia su’esu’ega a leoleo i lea faalavelave.
O le tamaitiiti ua fano le ola, e lona lua i le fanau e to’afā a ona mātua.
