O le mamafa o timuga ua aafia ai faaitu o Ueligitone i le asō ma ua aafia ai foi ma nisi o femalagaa’iga.
Fai mai o loo iai lapata’iga mo lologa ma ua fautuaina le faaetete i luga o le alatele ma toe unaia tagata ina ia toe tolopo nisi fuafuaga e feoa’i ai seia toe lelei le tau.
Fai mai a o lei tāina le 11 i le taeao analeila ae faailoa e le NZTA o se sologa eleele ua tapunia ai le SH58 i le agai i Sisifo i le va Joseph Banks Dr ma James Cook Drive.
O le State Highway 2 foi sa faaletonu na o le tasi le lane sa faaaogā i le taeao analeila ona o lologa ae ua faailoa i lipoti lata mai o lea ua toe tatala le auala i le va o Petone ma Melling.
O loo poloka pea le agai i le SH2 i Block Rd ma sa faamauina foi le faatuai o faigamalaga i le tele o isi magāala i le asō ona o lologa.
O loo iai lapata’iga mo timuga mamafa i Taranaki e amata atu i le asō seia oo i le aso a taeao.
Puna o Faamatalaga: https://www.1news.co.nz/2024/08/26/roads-flood-as-heavy-rain-lashes-wellington-region/
