E silia ma le 5 tausaga ua falepuipui ai se tasi alii mai Perth ona o lona gaoia o le silia ma le $700,000 mai ona mātua e gasegase.
Fai mai lipoti o Blake Brinklow sa tuu iai le vaaiga o tupe a nai ona mātua peitai e uma ane ua fai ai lona ivi ma ia gaoia.
E 49 tausaga o Blake ma o lana mau ina ua su’esu’eina e leoleo, sa ia faaaogā le tupe e faamāfana ai le la mafutaga ma lona tamā ma fai ai a la petipetiga i taaloga faitupe.
E ui i lea fai mai le faamasinoga ua faamaonia moliaga e tolu o le gaoi mai ona mātua.
O le vaegatupe o loo ta’ua e mai lona faatauina o le fale o ona mātua ma le superannuation a lona tinā.
Sa ia tuu le tupe i lana kamupani o le Grasshopper Soccer ma ta’alo tupe ai ma fai ai ana petipetiga.
Faato’ā malamalama iai lo latou aiga i se taimi mulimuli ane ma fesiligia ai loa.
Fai mai e ese foi le isi mataupu o loo aafia ai i le tulafono ua ave iai e lona uso.
Puna o Faamatalaga: https://www.9news.com.au/national/perth-father-blake-brinklow-jailed-for-stealing-720000-from-his-sick-parents/06e5d5a1-f84f-45f7-9f2a-4831b82e0ba1
