Ua folafola le litaea o le alii taalo mai le Brisbane Broncos o Corey Oates mai lana kalapu.
Ua lipotia e le 7News o Oates, e 29 tausaga le matua, sa aafia i manu’aga i le lua tausaga ua tuana’i ma ua leai sana konekarate mo le aga’i atu i le tausaga fou.
O le asō la ua faia ai lea faaaliga e le alii taalo o le a aga’i ese ai ma le NRL i le mae’a o taaloga e 216, fai mai a ia o le 18 masina talu ai sa feagai ai ia ma manu’aga ma o le taimi nei o le a faamuamua si ona aiga ma o le mafuaaga lea ua faia ai le faai’uga e litaea.
O le 2013 na mua’i taalo ai Oates mo le Broncos ma e faaiva ona taalo i taaloga o le State of Origins mo Kuiniselani e aofia ai tausaga na malo ai i le 2016, 2017 ma le 2022.
Puna o Faamatalaga: https://7news.com.au/sport/rugby-league/brisbane-broncos-legend-corey-oates-retires-aged-just-29-c-16341751
