Ua manuia le finau a Papua Niu Kini ina ia avea i latou o le isi ‘au i le taamilosaga o le lakapi liki e ui e lē o mautinoa pea nisi tulaga i le ‘au lea e faamautū i Ausetalia i Sisifo poo Western Australia.
Lipotia e le Daily Telegraph, o le vaiaso fou faatoa fofoga aloaia ai lea faamaoniga ae o le ‘au faatoa aloaia le ulufale i le Nrl i le 2028. Atonu ua o gatasi lea faamaoniga ma le malaga mai o nisi o sui mai Papua o loo i Sini nei mo le fonotaga tau inivesi e faataunuu i Sini.
Ua tā’ua e $600 miliona se faaputugatupe mai le faigamalo o iai nei a Ausetalia mo le faataunuuina o le fuafuaga lea ma le faamoemoe o le a sana faamalosia ai Ausetalia ma ona tuaoi i le Pasefika.
O le isi ‘au fou o loo fetaua’ina e ono faaopopo ane i le taamilosaga e aofia ai le Westerm Bears mai Perth ae e le’i faamautūina se tonu i le taimi nei. O le masina o Setema o le tausaga nei lava na faaleo ai le lagolago a le Palemia o Ausetalia Anthony Albanese i le talosaga a le au lea mai Papua Niu Kini.
Puna o Faamatalaga: https://7news.com.au/sport/rugby-league/png-set-to-be-next-nrl-team-as-doubts-continue-over-wa-teams-future-c-16972907
