Na ta’ua i lipoti i le Aso Faraile le iai o se faamata’u i lē sa avea ma Ofisa Sili o le Qantas, Alan Joyce e ono falepuipui ai pe afai e musu e auai ane i se suesuega a le senate i le faaiuga a le malo na faia e poloka ai faigamalaga a le Qantas Airways i totonu o Ausetalia. 

O le suesuega o loo taumafai e faamautu pe sa iai se fonotaga na faia i le va o le minisita o felauaiga o Catherine King ma Joyce ae pe sa faaaogā foi e le Qantas ni ona sootaga i le faiga o le filifiliga, ma o loo teena uma e i laua ia tuuaiga. 

O le a samania uma King ma Joyce i luma o le suesuega lenei i le mae’a o le uluai taimi e lei auai ane ai Joyce ona o ni mafuaaga e patino ia te ia.

Fai mai le taitaifono o le suesuega, e ono feagai Joyce ma ni tulaga ogaoga pe afai e musu pea e agai ane.