Ua lipotia le fasiotia o se pailate Niu Sila i Indonesia i le faaitu o Papua.
Fai mai na osofai e alii na faaaupegaina le helicopter na malaga atu ai le pailate ma isi e aofia ai ni tagata e toalua a le soifua maloloina faapea ma ni tamaiti se toalua.
Na ta’ua i lipoti a le televise tasi o le pailate lea mai Niu Sila e faigaluega i le kamupani Indonesia le PT Intan Angkasa Air Service, na tafana e i latou ia na o ane ma fana e feta’ua’ina e mai le vaega a le West Papua Liberation Army, ina ua tulaueleele le helicopter i le aai o Alama.
Fai mai lipoti na faasaoloto e i latou ia pasese Papua ma susunu le helicopter, o i latou foi na malaga atu e aumau i le aai lea o Alama ma e na o le helicopter e mafai ona sao iai ona o le maugā o lea faaitu.
Ua faailoa e le matagaluega o le va i fafo i le One News ua latou iloa le mataupu lea ma o loo faatalia faamatalaga mai lo latou ofisa i Jakarta ma e lē o fia faia se faamatalaga i le taimi nei.
Puna o Faamatalaga: https://www.1news.co.nz/2024/08/06/nz-helicopter-pilot-reportedly-killed-in-indonesias-papua-region/
