O le aofa’i o tagata ua faamaonia ai le aafia i le Koviti-19 i totonu o le 24 itula ua tuanai ua faamauina nei i le 5,296 ma ua faailoa mai foi e le matagaluega o le soifua maloloina e 605 gasegase o le koviti o loo taofia pea i falema’i e aofia a le to’a 17 i potu tigaina.
Ua oo atu nei i le 1,624 le aofa’i o tagata ua faamauina ua maliliu e iai sootaga i le faama’i ma ua faaopoopo atu iai ma le isi 19 ua maliliu pei ona aofia mai i le lipoti o le asō.
Talu ona amata aafia Niu Sila i le faama’i Koviti-19 ua silia ma le 1.6 miliona tagata ua faamaonia le aafia i le faama’i i totonu lava ia o le atunuu.
