O se lipoti lata mai o le afā o Alfred ua faailoa mai ai ua silia ma le 10 afe fale ua motusia mai ai le eletise ma aveesea mai ai tagata i faaitu o loo aafia.
O loo faamauina o galu e oo atu i le 12 mita le maualuluga ua vaaia i le Golf Coast ma ua matuai siisii le sami.
Ua anoanoa’i foi faigamalaga ua faalēaogāina ona o aafiaga o le afā.
Ua faamaonia mai e le Palemia o faigamalaga a kamupani e pei o le Virgin ma le Qantas ua taofia ma le silia ma le afe o a’oga o loo tapunia i Kuiniselani ma le itu i Matu o Niu Sa Uelese.
Ua faailoa se faamatalaga mai le Palemia e faatatau i tagata i ia faaitu, e lē o se taimi lenei mo matamataga pe aga’i foi e faatali poo ā ni foliga o le afā o Alfred ae ao ona sa’ili nofoaga saogalemu e aga’i iai.
Ua lipotia e 120 sui o le vaega o le puipuiga ua aveina atu i le itu i Matu o Niu Sa Uelese e fesoasoani i galuega fesoasoani ma ua fautuaina pea tagata ia faaeteete ona e fai lava si malosi o Alfred.
Puna o Faamatalaga: https://www.9news.com.au/national/tropical-cyclone-alfred-live-updates-tracker-queensland-power-outages-evacuations-latest-news-headlines/13081401-e614-459c-b757-a972f4037c5d
