E lima afe tala le taui tupe ua ofoina e le matagaluega o leoleo falepuipui ma le toe fuata’ina, mo se tasi e maua ai ni faamatalaga faamoemoeina e sa’ili ma toe maua ai le pagota sola o Lauititi Tualima.
O le faai’uga o le vaiaso na faailoa ai e leoleo le aofa’iga o le taui tupe, a o faia ai pea sa’iliga poo fea se nofoaga i se nuu o faamautū ai le pagota o loo fia maua nei.
O se ata video na salalau i luga o le api o foliga sa faapea le to’atele o se gaioiga ua maua ai Lauititi, ua faaalia e lē sa’o lea faasalalauga ona e le’i maua lea alii pagota.
Sa faaalia muamua e leoleo o faamatalaga na oo atu sa vaaia lea pagota i Faleatiu ma Satapuala.
