E lē tasi se solo tetee ua faatulaga e le pati a Maori e faia i le North Island i le taeao nei.
O solo tetee nei o loo valaau e le pati a Maori ma ua faia i le aso muamua e feiloai ai le Palemene e tali tetee atu ai i taiala ma maliega a le faigamalo fou ma le maliega o le Treaty of Waitangi.
Na finau a se tasi o taitai o le pati a Maori, Debbie Ngarewa-Packer o loo atagia ai lona ia lē auai i suiga fou ua omai ma le faigamalo fou, ma o loo iai lona talitonuga e lē lelei mo tagata Maori.
E tuufaatasia tala o le taeao ua amata poloka le tele o auala ona o tagata savavali o loo auai i nei tetee ma o lea lava foi na lapatai mai e le pulega a le NZTA avetaavale ma tagata feoai ia lava le taimi e faatapena ai i le taeao nei ona e ono poloka auala i Aukilani, Ueligitone, Waikato ma Tauranga.
E te’a ane le 6 i le taeao nei ua amata maopoopo le au savavali, faamoemoe e faamae’aina i le itula e 9.
