E lē o faatagaina ni taelega i matafaga lauiloa i North Shore i Aukilani ona o lea foi ua sau lipoti ua toe alu iai otaota o falelēta’ua.
Castor Bay, Wairau Outlet ma Milford Beach lea ua pipii ai le do not swim seia oo i le itula e 5 i le afiafi ananei ona o le faaleagaina o le suasami.
Mai le peresetene o le Castor Bay Ratepayers Association, Hamish Anderson, o se faanoanoaga le tupu soo aemaise lava i taimi o le taumafanafana.
Ua sau ai ma le talosaga ua moomia le faaleleia o auala o fesootaiga mai le pulega o le suavai a Aukilani, le Watercare ona o lea na faatoa iloa e faauluuluga o ia matafaga i lipoti a ofisa faasalalau.
Ae mai le Watercare o vai leaga o otaota ua faaleagaina ai nei le suasami na mafua lea ina ua poloka ogapaipa ma o loo galulue nei e suesue ma toe faaleleia.
