E le o iai se case fou o le koviti 19 I le komiuniti I le aso e pei ona faamaonia mai e le Soifua maloloina.Ua faailoa mai lea tala fiafia ao faaauau pea ona talia le iuga o siaki ale toatele sa faia I le faaiuga o le vaiaso mo le koviti 19 talu ona lapataia I le toe pepesi o le faamai I Ausetalia ma tagata na faimalaga mai agai I Ueligitone.
O le alii mai Sini na faimalaga mai ma lona toalua I Ueligitone ae ua aafia I le koviti sa ia afea nisi o nofoaga I lea faaitu ma sa siitia ai loa I le vaega lua le tulaga o puipuiga I Ueligitone.
Fai mai le soifua maloloina e ui I le leai o nisi cases fou ua faamauina ae o loo faaauau pea ona faataua le faia o siaki ma mataitu pea le faia o tuipuipui.
O loo fuafua ia faaauau pea ona siitia le numera o tagata e agai e faia siaki aua ua maua foi I isi lipoti e faapea ua faamaonia foi le aafia o le toalua o le tagata lea lea na o la malaga faatasi mai. E 10 cases o loo faamauina mai I nofoaga faanofoesea.
