Tala fiafia mai Niu Sau Uelese e leai seisi case fou mai le komiuniti ua faamauina I le aso mai le setete mo le uluai taimi talu mai le silia male vaiaso talu ai ae oo atu I le 20,400 tagata na faia siaki.
E 2 cases sa faamauina I nofoaga faanofoesea peitai fai mai le minisita o le soifua maloloina Brad Hazzard e taua tele I tagata ona mataitu auga, ole flu poo se faamaalili, ia vave ona faia se siaki.
O loo tumau pea nisi o faamanatu I le teleo nofoaga I le Greater Sydney e aofia ai ma se taulaga faatau I Warriewood, ose falemelii Hurlstone Park male workers club I Blacktown.
Faamaonia e le ofisa sili o le soifua maloloina Dr Kerry Chant e le o foliga mai o le a suia pe faaitiitia nisi o sa o le faamai I ni nai aso o loo lumanai ona e manaomia lava le a ititi mai o le 3 vaiaso e faamautinoa ai ua le toe pepesi le faamai.
I Vitoria ua atoa le 8 o aso sosoo e leai nisi cases fou mai le komiuniti ae I Kuiniselani ua toe faaopoopo leisi 14 aso e toe faanofoesea ai nisi o tagata na malaga mai atunuu I fafo atu o ausetalia ona o le puipuiga I le isi ituaiga o le vairusi lea e faapea e pepesi mai Peretania.
O faamatalaga I lipoti ua faailoa ai o I latou ia sa faanofoesea faatasi ma nisi e toa 6 I le faletalimalo e tasi , I latou ia ua faamaonia le aafia I le ituaiga fou ole vairusi lea mai Peretania.
