Ua matuai leai se talitonuga o Trump I le fomai o Dr Anthory Fauci lea o loo taitaia le au suesue faafomai I le fale paepae
Saunoa Trump, leai ma se mea e mo’I o tala a Fauci lea na faasalalau e uiga I le Koviti, ma o Fauci foi e lavea I lalo o le vaega a le Democrat poo le itu o loo agaia le malo
O le vevela o finauga a Trump ma Fauci ua sau a’i a’o ui Amerika I se taimi faigata ua matuai faatetele le pepesi o le Koviti
O Fauci o loo ia teena nei tuuaiga o loo tu mai I le itu a le Democrat.
Peitai I le vaai a Trump, e tutusa uma lava Fauci ma isi tagata saienitisi ma fomai suesue lea ua atili nenefu ai tagata Amerika I le taimi ao le mautonu I le sailia o se fofo o le Koviti
Ao fefinaua’I ai Trump ma Fauci, ua popole ai ma faufautua a Trump ona e le o toe tele se taimi, o lea toe 2 vaiaso o faigafaatosina mo le palota.
Ese mai ia Fauci
Faapuupuu le fesiligia o ia I se faatalanoaga na pue anapo e le CBS
Ripotia mai e le CBS ma le CNN le savali ese ai o Trump mai le faatalanoaga poo le interview sa pu’eina I le fale paepae e le I uma – faatoa 45 minute.
O lenei faatalanoaga sa tuufaatasia e le CBS I le polokalame o le 60 minute
E le I leva talu ona savali ese, ae faasalalau loa e Trump I luga o le Twitter tuuaiaga, o le faatalanoaga e pei ona sa pu’eina e pepelo ma e faaitu’au lona faiga ma ua folafola ai foi e le alii peresetene o le a ia faasalalaua lenei faatalanoaga ae le I oo I le taimi e sau ai I tua le polokalame o le 60 minute lea e fuafua e faasalalau I le Aso Sa. Ma o se faaiuga e talitonu Trump ia silafia uma ai e tagata le mea moni O Trump e le fou I ana saunoaga lona le talitonuina o le tele o ofisa faasalalau ma nusipepa I totonu o Amerika, tuuaia ai ole tele o a latou faasalalauga e matuai pepelo uma lava.
